1Ti 6 | Ndebele | STEP | Bonke abangaphansi kwejogwe, izigqili , kabathi amakhosi abo afanele konke ukuhlonitshwa, ukuze ibizo likaNkulunkulu lemfundiso kungahlanjazwa ;

1 Bonke abangaphansi kwejogwe, izigqili ^a, kabathi amakhosi abo afanele konke ukuhlonitshwa, ukuze ibizo likaNkulunkulu ^b lemfundiso ^{c
,} ^d kungahlanjazwa ^e; 2 labalamakhosi akholwayo bangawadeleli, ngoba engabazalwane ^f; kodwa kulalokhu kabawasebenzele, ngoba ekholwa njalo ethandeka, abahlanganyeli benzuzo. Fundisa njalo ukhuthaze lezizinto ^g.

Imfundiso yamanga ibanga okubi

3 Uba kukhona ofundisa okwehlukileyo ^h, njalo engavumelani lamazwi aphilileyo ⁱ, aweNkosi yethu uJesu Kristu, lemfundiso evumelana lokukhonza uNkulunkulu ^j, 4 uyazikhukhumeza ^{k
,} ^{▼▼ uyazikhukhumeza: kumbe, uyisithutha.}, engazi lutho ^m, kodwa ubulawa yinkani lemibuzo ⁿ lokuphikisana ngamazwi ^o, okuvela kukho umona ^p, umbango ^q, ukuthuka ^r, imicabango emibi, 5 ukuxabaxabana ^s kwabantu abangqondo yabo yonakele ^t, labalahlekelwe liqiniso, besithi ukukhonza uNkulunkulu kuyindlela yenzuzo ^u. Zehlukanise labanjalo ^v.

6 Kodwa ukukhonza uNkulunkulu ^w lokwenela ^x kuyinzuzo enkulu ^y; 7 ngoba kasizanga lalutho emhlabeni ^z; kusobala ukuthi kasiyikusuka lalutho; 8 kodwa uba silokudla lezembatho ^aa sizakweneliswa yikho ^ab. 9 Kodwa abafisa ukunotha ^ac bawela ekulingweni lemjibileni ^ad, lenkanukweni ezinengi zobuphukuphuku ezilimazayo, ezicwilisela abantu encithakalweni lekubhujisweni ^ae; 10 ngoba uthando lwemali luyimpande yakho konke okubi ^af; abanye beyifisa, baduhile ekholweni, bazigwaza ngenhlungu ezinengi.

Ezinye izeluleko zikaPawuli

11 Kodwa wena, O muntu kaNkulunkulu ^ag, balekela lezizinto ^ah; njalo udingisise ukulunga ^{ai
,} ^aj, ukwesaba uNkulunkulu ^ak, ukholo ^al, uthando ^am, ukubekezela, ubumnene ^an. 12 Lwana ^{ao
,} ^ap ukulwa okuhle kokholo, ubambelele empilweni ephakade ^aq, owabizelwa kuyo ^ar, wavuma uvumo oluhle phambi kwabafakazi abanengi. 13 Ngiyakulaya ^as phambi kukaNkulunkulu ^at ophilisa konke ^au, loKristu Jesu owafakaza uvumo oluhle phambi kukaPontiyusi Pilatu ^av, 14 ukuthi ugcine umthetho ungelasici ^aw, ungasoleki ^ax, kuze kube ^ay sekubonakaleni kweNkosi yethu uJesu Kristu ^az, 15 ozakubonakalisa ngezakhe izikhathi ^ba obusisiweyo ^bb loSomandla oyedwa, iNkosi yamakhosi ^{bc
,} ^bd, loMbusi wababusi ^be, 16 yena yedwa olokungafi ^bf, ohlala ekukhanyeni okungelakusondelelwa ^{bg
,} ^bh, akulamuntu ebantwini owambonayo, kumbe ongambona ^bi; okukuye udumo ^{bj
,} ^bk lamandla aphakade ^bl. Ameni.

17 Laya abanothileyo emhlabeni wakhathesi ^bm ukuthi bangazigqaji ^bn, bangathembeli ^{bo
,} ^bp ekungaqondini kwenotho ^bq, kodwa kuNkulunkulu ophilayo ^{br
,} ^bs osipha ngokunotha ^bt zonke izinto ukuze sithokoze, 18 benze okuhle, banothe emisebenzini emihle ^bu, balungele ukupha, ukwabelana ngesihle ^{bv
,} ^{▼▼ ukwabelana ngesihle: kumbe, ubudlelwano.}, 19 bazibekele isisekelo ^bx esihle sibekelwa okuzayo, ukuze babambe impilo elaphakade ^by.

Isicino

20 O Timothi, londoloza kuhle okubekwe kuwe ^bz, uxwaye ^ca ukukhuluma okuyize okungcolileyo lokuphikisana kwalokho okuthiwa lulwazi kungeyisilo ^cb, 21 okuthe abanye ngokukuvuma baduha ^cc ekholweni.

Umusa kawube lawe. Ameni.